بيطرى وبس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى طلبه كليه الطب البيطرى ..جامعه كفر الشيخ
 
الرئيسيةأحدث الصورالتسجيلدخول

 

 أشهر جمل بيقولوها الأب و الأم في مصر

اذهب الى الأسفل 
4 مشترك
كاتب الموضوعرسالة
klaresya

klaresya


المساهمات : 85
تاريخ التسجيل : 22/07/2008
العمر : 34

أشهر جمل بيقولوها الأب و الأم في مصر Empty
مُساهمةموضوع: أشهر جمل بيقولوها الأب و الأم في مصر   أشهر جمل بيقولوها الأب و الأم في مصر Emptyالخميس أغسطس 07, 2008 3:38 am

أشهر جمل بيقولوها الأب و الأم في مصر
انت فاكرنا لاقين الفلوس دى في الشارع .

ما تتكلمش بصوت عالي في الحمام .

والله ما انت فالح .. وادي دقني أهه .

ما تنمش غير لما تغسل سنانك .

ما تلزقش في التلفزيون كده .. نظرك هيضيع .

سلم على عمك كويس يا ولد .

يا ابني محدش هينفعك .

ما تطلعش ايدك من الشباك .

قصة الغريق الكاذب اللي كل مره يقول الحقوني ... لحد ما غرق بجد .

ربنا يرزقك بعيل يوريك اللي ورتهوني .

ما تطلعش على الملايه النظيفه و رجليك مت***ه كده .

نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

طلع ايدك من جيبك و انت بتكلمني .

ايه الا مبالاه و الاستهتار اللي انت عايش فيهم دول

قوم اقرا لك كلمتين ينفعوك .

وطي المدعوق ده شويه .

انت فاكرنا نايمين على ودانا ؟

يا ابني انت مسطول ولا ايه ؟

ما تلبسش القميص على اللحم زي العيال الصايعه .

بلاش أكل بره .

كلمنا لما توصل .

عيـــب ... لازم تحترم اللي أكبر منك .

لو شفت خناقه ما لكش دعوة بيها .

لازم تأكل سلطه .

اوعى تكدب عليا كده تاني مرة

اوعى حد غريب يديلك حاجه تاكلها و تشربها و تاخدها منه .

يا ابني كلم خالتك العيانه اسأل عليها .

بلاش لعب في الشارع .

ما تعليش صوتك .

وانت فاكر احنا مستنيين منك حاجه .

المسلسل مش هينفعك ...قوم .

ما تقعدش قدام المروحه وانت مستحمي .

كفايه رغي في التليفونات .

بلاش وقفة الشبابيك و البلكونات .

اوعى تقول لحد هات لي حاجة .

كل على مهلك .. وامضغ كويس ... وما تكلش
وانت واقف .. وكل من قدامك ما تحفش .

اطفي التلفزيون وقوم ذاكر . أو اطفي التلفزيون و خش اوضتك .

ربنا يهديك ربنا يهديك ...

ما تمشيش حافي في السقعة دي

ما فيش مذاكرة على المزيكا .. أو .. بتذاكر إزاي و البتاع ده شغال جنبك

افرد ظهرك .

ما تتأخرش بعد المدرسه و تقعد تصيع مع أصحابك .

بص كويس و انت بتعدي الشارع .

ومالها الكتب بتاعة الوزاره ؟! او بالنسبة للكليات ليه كورسات ما انت لوبتحضر محاضراتك كنت فلحت

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .
تقعد في أول صف قدام السبوره .

ما تردش عليا .

مش عايز اسمع صوت .

مالكش دعوة بالسياسة .. وماتمشيش في مظاهرات .
التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

و أخيرا ::

ضرب
امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا
الرجوع الى أعلى الصفحة اذهب الى الأسفل
زائر
زائر




أشهر جمل بيقولوها الأب و الأم في مصر Empty
مُساهمةموضوع: رد: أشهر جمل بيقولوها الأب و الأم في مصر   أشهر جمل بيقولوها الأب و الأم في مصر Emptyالخميس أغسطس 07, 2008 10:28 pm

والله ما انت فالح .. وادي دقني أهه .

يا ابني محدش هينفعك

قوم اقرا لك كلمتين ينفعوك .

كفايه رغي في التليفونات

والله برافو عليك
دى اكتر الجمل اللى عجبتنى اصلى كنت لسه بتناقش فيها مع حد هو هيعرف لما يقرا..

بس بجد الموضوع دا لازم كل المهات والابهات يقروه عشان يعرفوا هما بيعملوا فينا ايه
ميرسى اوى..
الرجوع الى أعلى الصفحة اذهب الى الأسفل
keemoo




المساهمات : 56
تاريخ التسجيل : 27/07/2008

أشهر جمل بيقولوها الأب و الأم في مصر Empty
مُساهمةموضوع: رد: أشهر جمل بيقولوها الأب و الأم في مصر   أشهر جمل بيقولوها الأب و الأم في مصر Emptyالخميس أغسطس 07, 2008 10:43 pm

طبعا منتوا عالم فاضية قاعدلى طول النهار قدام المخروب الى النت

لازم تجيبوا مواضيع ملهاش حل

ماشى يا كلارسيا انا مش هكلمك انتى عارفة مصلحتك كويس وعارفة الى وراكى
الرجوع الى أعلى الصفحة اذهب الى الأسفل
Roony

Roony


المساهمات : 119
تاريخ التسجيل : 22/07/2008
العمر : 35

أشهر جمل بيقولوها الأب و الأم في مصر Empty
مُساهمةموضوع: رد: أشهر جمل بيقولوها الأب و الأم في مصر   أشهر جمل بيقولوها الأب و الأم في مصر Emptyالجمعة أغسطس 08, 2008 10:45 pm

شكرا كلارسيا علي الموضوع
بجد حلو بس ليا رايي
بجد في مقصد من وراء كل الكلام ده
هما لو مش بيحبونا وبيخافوا علينا مكنوش هايقوللنا الكلام ده وقالوا اللي اكتر منه بس احنا مش هانحس الكلام ده الا لما نبقي امهات هانعرف قمته كويس وانتي اكيد فهماني وعرفه ده
تقبلي تحياتي
الرجوع الى أعلى الصفحة اذهب الى الأسفل
ابراهيم منصور

ابراهيم منصور


المساهمات : 73
تاريخ التسجيل : 29/07/2008
العمر : 42

أشهر جمل بيقولوها الأب و الأم في مصر Empty
مُساهمةموضوع: رد: أشهر جمل بيقولوها الأب و الأم في مصر   أشهر جمل بيقولوها الأب و الأم في مصر Emptyالسبت أغسطس 09, 2008 5:50 am

[b]يلا بكرة كلنا نكبر ويبقى عندنا ولاد ان شا الله
ونقول نفس الكلام بس هيزيد علية كلام عن النت والكمبيوتر والالعاب الالكترونية
وننسى اننا كنا بنضحك على الكلام دة زمان
موضوع جميل وبالتوفيق
الرجوع الى أعلى الصفحة اذهب الى الأسفل
klaresya

klaresya


المساهمات : 85
تاريخ التسجيل : 22/07/2008
العمر : 34

أشهر جمل بيقولوها الأب و الأم في مصر Empty
مُساهمةموضوع: رد: أشهر جمل بيقولوها الأب و الأم في مصر   أشهر جمل بيقولوها الأب و الأم في مصر Emptyالسبت أغسطس 09, 2008 4:55 pm

شكرا ياجماعة على مروركم واكيد كل اب وكل ام نفسهم يشوفوا اولدهم احسن ناس فى الدنيا والا مكنوش قالو الكلام دة وكلنا هنجرب دة لما يبقى عندنا ولادبنحبهم اكتر من نفسنا وبنخاف عليهم حتى من نفسهم
الرجوع الى أعلى الصفحة اذهب الى الأسفل
 
أشهر جمل بيقولوها الأب و الأم في مصر
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
بيطرى وبس :: المنتديات العامه :: منتدى النكت والالغاز-
انتقل الى: