خش شغل مخك بسيط وحل

المساهمات : 56 تاريخ التسجيل : 27/07/2008

1- عندنا بنتين بيشتغلوا على الالة الكاتبة الاتنين بيطبعوا صفحتين فى دقيقتين ، عايزين كام بنت عشان نطبع 18 صفحة فى 6 دقايق ؟؟

2- ولاء طلعت فى مسابقة رقم 13 من فوق ورقم 13 من تحت ، يبقى عدد المتسابقين كام؟؟

3- سمكة طول راسها 9 سم ، وطول ديلها = طول راسها + نص طول جسمها ، وجسمها طوله = الراس +الديل
يبقى طول السمكة كله كام؟

4- عندنا كتاب نزل فى الاوكازيون سعره 20 % ، يزيد سعره كام فى المية عشان يرجع لسعره الاصلى؟؟

5- عندك ارقام 2،1 ، 8 ، 9 ، اعمل عملية حسابية عشان يكون الناتج 68

6- عندك درج للشرابات ابيض واسود فى عشر شرابات بيض وعشرة سود لكن مش مسموحلك انك تشوف لون الشراب الا بعد ما تاخده من الدرج
كام شراب يطلع فى ايدك عشان فى الاخر تحصل على زوج شرابات نفس اللون؟؟

7- عندك 3 صناديق الاول فيه تفاح ، التانى فيه برتقال ، التالت فيه تفاح وبرتقال ،وكل واحد مكتوب عليه هو فى ايه لكن مكتوب غلط

ازاى تكتب على الصناديق هى جواها ايه بطريقة صحيحة ، مع العلم انك مسموحلك بس تطلع ثمرة واحدة بس من صندوق واحد بس؟؟؟

8- اب عنده ولدين قبل ما يموت ترك وصية
ولاده الاتنين يدخلوا سباق بالاحصنة واللى حصانه يوصل الاخير هو اللى هياخد الثروة
طبعا فضلوا يتجولوا فى الصحرا مش عارفين يعملوا ايه كل واحد مستنى التانى يوصل قبله
لحد ما قابلوا راجل حكيم فقالهم حاجة يعملوها وبكده يقدروا ينهوا السباق وواحد فيهم يكسب

يا ترى قالهم ايه؟؟

خلينا نشوف شطارتكم يالا جاوبوا على الاختبار