لو
لما نقوم كل يوم الصبح ونعمل نفس الحاجة
نقول ملل لو فيه تغيير
لما كل يوم نعمل شغل مختلف
نقول لو فيه ثبات الواحد يعمل أفضل
لما نبطل نعمل اى حاجة خالص
نقول زهقنا من قلة الشغل لو نشتغل مش مشكلة نتعب
لما نشتغل بجد ونتعب
نقول ولا يوم من أيام الإجازة
وتروح أيام وتجئ أيام ونفضل بردة نفكر فى لو
اللى إحنا فيه صح ولا اللى إحنا عاو زينه
وممكن نضيع معظم وقتنا فى التفكير
مش فى التغيير
يبقى بدل من نقول لو (من الشيطان) نبدأ من دلوقت نفكر إحنا عاوزين أية ونعمل اللى إحنا عاوزينة علشان على الأقل نكون مقتنعين من اللى بنعملة .
إنا بقول الكلام ده ليه لان الحمد لله الكلية بتاعتنا ليها مجالات كتيرة من ناحية سوق العمل زى مثلا (الصيدليات البيطرية- المزارع أبقار وأغنام ودواجن-معامل التحاليل –شركات الادويه) فبيكون الخريج أول متخرج عاوز يشتغلهم كلهم وكل ميشتغل فى حاجة يقول لو كنت اشتغلت التانية مش كان احسن وبعد دة كلله بيتنقل من هنا لهنا ومبيقدرش يكتسب الخبرة اللازمة فى مجال واحد علشان يكون متميز فية.
نصيحة يا اخوانى وانت لسة فالكلية اعرف انت عاوز تشتغل اية بالظبط وابدا من دلوقت فتكوين مهاراتك استعدادا لسوق العمل بدل متقول لو من دلوقت الى أخر عمرك.
بالتوفيق جميعا
الأحد أغسطس 03, 2008 6:51 am
